Erlan Aqkenjenov munaı-gaz salasy kórsetkishteriniń tómendeý sebebin atady
ASTANA. KAZINFORM – Osy jyldyń 3 aıynda 3,67 mln tonna munaı ónimderi óndirildi. Bul týraly Úkimet otyrysynda Energetıka mınıstri Erlan Aqkenjenov aıtty.
Erlan Aqkenjenovtiń aıtýynsha, munaı ónimderin óndirý kólemi 3,67 mln tonnany qurap, ótken jyldyń tıisti kezeńimen salystyrǵanda 98,9 paıyz boldy. 2026 jylǵa boljam – 15,49 mln tonna.
- Sonymen qatar Memleket basshysynyń Úkimettiń keńeıtilgen otyrysynda bergen tapsyrmasy boıynsha qýaty 10 mln tonnany quraıtyn jańa munaı óńdeý zaýytyn salý jobasyn jedeldetý sharalary qabyldanyp jatyr. Pavlodar munaı óńdeý zaýytyn 5,5 mln tonnadan 9 mln tonnaǵa deıin, Shymkent munaı óńdeý zaýytyn 6 mln tonnadan 12 mln tonnaǵa deıin, Atyraý munaı óńdeý zaýytyn 5,5 mln tonnadan 6,7 mln tonnaǵa deıin keńeıtý jumystary júrgizilý ústinde, - dedi ol.
Mınıstrdiń dereginshe, munaı-gaz hımııasy ónimderin óndirý kólemi 134 myń tonna nemese ótken jyldyń sáıkes kezeńimen salystyrǵanda 86,1 paıyz boldy.
- Mınıstrlik osy jyly polıpropılen óndirisiniń kólemin 450 myń tonnaǵa deıin arttyrý jumystaryn «QazMunaıGaz» aktsıonerlik qoǵamy jáne KRІ zaýytymen birlesip júrgizip jatyr. 2026 jylǵa boljamy – 580 myń tonna. Munaı-gaz salasy kórsetkishteriniń tómendeýi Kaspıı qubyr konsortsıýmy men Teńizdegi jaǵdaılarmen baılanysty, - dedi ol.
Aıta keteıik, elimiz bıyl 76 mln tonna munaı eksporttaýdy josparlap otyr.
