Erlan Aqkenjenov Mańǵystaý óńirindegi gazǵa baılanysty ahýalǵa túsinikteme berdi

ASTANA. KAZINFORM — Energetıka mınıstri Erlan Aqkenjenov Mańǵystaý óńirindegi gazǵa baılanysty ahýalǵa túsinikteme berdi.

- Mańǵystaý oblysyna gaz qajettiligi aıyna 18 myń tonnany quraıdy. Sońǵy 2 jylda gaz quıý stansalarynyń sany 300-den 500-ge artqanymen jalpy gaz kólemi ózgerissiz qaldy. Demek, buryndary gaz kólemi 300 stansa arasynda, al qazir 500 stansa arasynda bólinedi. Soǵan oraı bir stansaǵa bólinetin kólemi azaıady. ıAǵnı, bir gaz quıý stansasy 2-3 kún jumys istep, odan keıin jabylyp qalady. Mine, jaǵdaı osyndaı, - dedi mınıstr Aqordada BAQ ókilderiniń saýalyna oraı.

Onyń aıtýynsha, búginde Mańǵystaý oblysynda eki kúnge jetetin kógildir otyn bar.

- Zaýyttar jumys istep tur, tolyqtyryp jatyrmyz. Kólikterdiń úlken kezeginiń jınaqtalýy máselesi joq. Al jekelegen gaz quıý stansalaryna qatysty sebepti aıtty, - dedi Erlan Aqkenjenov.

Taıaýda Energetıka mınıstrligi suıytylǵan gazdy el aýmaǵynan syrtqa shyǵarýǵa salynǵan tyıymdy taǵy 6 aıǵa uzartý týraly buıryq jobasyn kópshilik talqylaýyna shyǵardy.

Esterińizge sala ketsek, Aqorada Memleket basshysy Qasym-Jomart Toqaev elimizge resmı saparmen kelgen Fınlıandııa Prezıdenti Aleksandr Stýbb kelissózder ótkizip jatyr.