Erlan Aqkenjenov Energetıka mınıstri bolyp qaıta taǵaıyndaldy
ASTANA. KAZINFORM - Erlan Aqkenjenov Energetıka mınıstri laýazymyna taǵaıyndaldy.
Tıisti Jarlyqqa Prezıdent Qasym-Jomart Toqaev qol qoıdy.
— Erlan Qudaıbergenuly Aqkenjenov Qazaqstan Respýblıkasynyń Energetıka mınıstri laýazymyna taǵaıyndalsyn, — delingen qujatta.
Erlan Aqkenjenov 1979 jyly Almaty qalasynda dúnıege kelgen.
«Ádilet» joǵary quqyq mektebin, «Astana» ýnıversıtetin bitirgen.
2002–2004 jyldary — «Qazmunaıgaz» saýda úıi» JShS Munaı jáne munaı ónimderin eksporttaý departamentiniń bas mamany, bas menedjeri, dırektory.
2004–2006 jyldary — «Chevron Texaco Global Trading» shıki munaı treıderi, Sıngapýr qalasyndaǵy «KazMunaiGaz Singapore» dırektory.
2006–2008 jyldary — «Qazmunaıgaz» saýda úıi» AQ Munaı jáne munaı ónimderin eksporttaý departamentiniń dırektory.
2008–2010 jyldary — «Qazaqoıl Aqtóbe» JShS kommertsııalyq dırektory.
2011–2012 jyldary — «QazMunaıGaz ónimderi» AQ bas dırektorynyń keńesshisi, «QazMunaıGaz Qaıta óńdeý jáne marketıng» AQ Munaı jáne munaı ónimderin eksporttaý departamentiniń dırektory.
2013–2014 jyldary — Rompetrol Bulgaria bas dırektordyń orynbasary, bas dırektory, Bolgarııa.
2015–2016 jyldary — KMG International (Rompetrol) munaı jáne munaı ónimderi treıdıngi jónindegi bas dırektor, bólshek saýda jónindegi bas dırektor, bas dırektordyń keńesshisi, Rýmynııa.
2016–2020 jyldary — munaı jáne munaı ónimderin óńdeý jáne tasymaldaýmen baılanysty jeke qurylymdarda jumys istedi.
2022–2023 jyldary — «QazMunaıGaz» UK AQ munaı ónimderi marketıngi basqarmasynyń basshysy.
2023–2025 jyldary — QR energetıka vıtse-mınıstri.
2025 jylǵy 19 naýryzda QR energetıka mınıstri bolyp, al 2026 jylǵy 3 qyrkúıekte bul qyzmetke qaıta taǵaıyndaldy.
Eske salaıyq, buǵan deıin Dáýren Qosanov Qorǵanys mınıstri, Erjan Sádenov Іshki ister mınıstri, Ǵalymjan Qoıshybaev Premer-mınıstrdiń orynbasary — Úkimet Apparatynyń basshysy, Serik Jumanǵarın Premer-mınıstrdiń orynbasary — Ulttyq ekonomıka mınıstri, Jaslan Mádıev Jasandy ıntellekt jáne tsıfrlyq damý mınıstri, Nurlybek Nálibaev Premer-mınıstrdiń birinshi orynbasary, Qanat Bozymbaev Premer-mınıstrdiń orynbasary, Mádı Takıev Qarjy mınıstri, Nurlan Saýranbaev Kólik mınıstri, Erlan Sársembaev Ádilet mınıstri, Murat Muhanov Tótenshe jaǵdaılar mınıstri laýazymyna taǵaıyndalǵanyn habarlaǵanbyz.
