Erlan Aqkenjenov: Ákimder óńirlerde kómirge qatysty jasandy dúrbeleń týdyrmaýy tıis

ASTANA. KAZINFORM – Ákimder óńirlerde kómirge qatysty jasandy dúrbeleń týdyrmaýy tıis. Bul týraly Úkimet otyrysynda Energetıka mınıstri Erlan Aqkenjenov aıtty.

Úkimet derekter ortalyqtary alqaby jobasynyń iske asýyn jedeldetýdi tapsyrdy
Foto: QR Úkimeti

- Halyqty kómirmen qamtamasyz etý maqsatynda mınıstrlik janynda barlyq múddeli taraptardyń qatysýymen Respýblıkalyq shtab jumys istep tur. Jalpy, aǵymdaǵy jylytý maýsymynda halyq pen kommýnaldyq-turmystyq sektordyń kómirge qajettiligi 7,3 mln tonnany quraıdy. Onyń ishinde kommýnaldyq-turmystyq sektorǵa – 1,6 mln tonna, halyqqa – 5,7 mln tonna, - dedi mınıstr.

Onyń aıtýynşa, esepti kúnge óńirlerde 4,5 mln tonna kómir daıyndaldy. Bul jalpy qajettiliktiń 62% quraıdy.

- Osyǵan baılanysty, ákimdikter kommýnaldyq-turmystyq sektor men halyq úshin kómir qoryn daıyndaýdy qamtamasyz etip, óńirlerde jasandy dúrbeleńniń týyndaýyna jol bermeý boıynsha barlyq qajetti sharalardy qabyldaýy tıis, - dedi Erlan Aqkenjenov.

Aıta keteıik, elimizde energetıka nysandaryndaǵy tehnologııalyq buzýshylyqtar 6%-ǵa azaıdy.