Erli-zaıyptylar ortaq menshiktegi múliktiń salyǵyn qalaı tóleıdi

Múlik salyǵy páter ıesiniń jubaıyna eseptelse ne isteý kerek? Bul saýalǵa Memlekettik kirister komıteti jaýap berdi, dep habarlaıdy QazAqparat. 

Erli-zaıyptylar nekede turǵan kezinde jınaǵan múlik — olardyń birlesken ortaq menshigi (Neke jáne otbasy týraly kodekstiń 33-baby).

Ortaq birlesken menshikte ózara kelisim boıynsha múlik ıeleriniń biri salyq tóleýshi ​​bolyp tabylady.

«Eger salyq somasy barlyq menshik ıelerine kelse, onda menshik ıeleriniń bireýi ǵana tólem jasaıdy. Ortaq úlestik menshikte osy múliktegi úlesine sáıkes múliktiń barlyq menshik ıeleri — salyq tóleýshiler. Memlekettik kirister organdary ýákiletti organ (Azamattarǵa arnalǵan úkimet) jibergen málimetterdiń negizinde erli-zaıyptylardyń birine múlik salyǵyn esepteıdi» deıdi komıtetten. 

1 qazanda 2022 jyl úshin jyljymaıtyn múlik jáne jer ýchaskeleriniń menshik ıeleriniń múlik salyǵyn tóleý merzimi aıaqtalady.

Alaıda 1 qazan demalys kúni ekenin eskersek, tólem merzimi — 2 qazan. 

«Qate tólem bolmas úshin kórsetilgen derektemelerdi paıdalana otyryp, tólemdi bir ýaqytta tóleý múmkindigimen naqty eseptelgen salyq somasyn kgd.gov.kz saıtynda „Aldaǵy tólemder“ servısinde jáne E-salyq Azamat mobıldi qosymshasynan, sondaı-aq bankterdiń „Kaspi.kz“ jáne „Halyk Bank“ mobıldi qosymshalarynda kórýge bolady» deıdi MKK.