Erikti qonys aýdarý baǵdarlamasyna qatysýshylar tizimi keńeıtiledi
ASTANA. KAZINFORM – Sharýa qojalyqtarynyń basshylary Erikti qonys aýdarý baǵdarlamasyna qatysý múmkindigine ıe bolady. Mundaı jańashyldyq Eńbek jáne halyqty áleýmettik qorǵaý mınıstriniń «Jumys kúshiniń mobıldiligin arttyrý úshin adamdardyń erikti túrde qonys aýdarý qaǵıdalaryn bekitý týraly» buıryq jobasynda kózdelgen.
Qujat 2026 jylǵy 7 shildedegi «Áleýmettik zańnamany jetildirý máseleleri boıynsha Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly» Zańyna sáıkes normatıvtik quqyqtyq aktilerdi qoldanysqa keltirý maqsatynda ázirlengen. Onda materıaldyq kómek kórsetý tetigin jetildirý, suranysqa ıe mamandar men sharýa qojalyqtarynyń basshylaryn qosý arqyly baǵdarlamaǵa qatysýshylardyń aıasyn keńeıtý, sondaı-aq qoldanylatyn termınologııany ózektendirý jáne qoldanystaǵy normatıvtik quqyqtyq aktiler men zańnamanyń jańa normalary arasyndaǵy alshaqtyqtardy joıý qarastyrylǵan.
- Jobany iske asyrýdyń kútiletin nátıjeleri: memlekettik qoldaý sharalaryn usynýdyń biryńǵaı tártibin qamtamasyz etý, suranysqa ıe mamandar men sharýa qojalyqtarynyń basshylarynyń baǵdarlamaǵa qatysý múmkindikterin keńeıtý, sondaı-aq jumys kúshine qajettiligi bar óńirlerge eńbek resýrstaryn tartýdyń tıimdiligin arttyrý, - dep atap ótedi vedomstvodan.
Normatıvtik-quqyqtyq akti jobasy 19 qyrkúıekke deıin qoǵamdyq talqylaýǵa shyǵarylyp otyr.
Aıta keteıik, erikti túrde qonys aýdarý múmkindigin qarastyryp júrgen Qazaqstan azamattary migration.enbek.kz portalyndaǵy ınteraktıvti kartany paıdalana alady.
