Erkin Oqasov United World Wrestling Bıýrosynyń múshesi bolyp saılandy
ASTANA. KAZINFORM — Qazaqstan kúres federatsııasynyń tóraǵasy Erkin Oqasov Birikken kúres álemi (UWW) uıymynyń Bıýrosyna múshe bolyp saılandy.
Saılaý halyqaralyq federatsııanyń Astanada ótken Kongresinde uıymdastyryldy. Daýys berý qorytyndysy boıynsha Qazaqstan ókili 117 daýys jınady.
UWW Bıýrosy – United World Wrestling uıymynyń negizgi basqarý organdarynyń biri. Bıýro halyqaralyq kúrestiń damýy, jarystardy uıymdastyrý, sporttyq jáne strategııalyq máseleler boıynsha mańyzdy sheshimder qabyldaýǵa qatysady.
QR UOK málimetinshe, kongress barysynda UWW basshylyǵyn saılaýmen qatar, uıymnyń 2026-2032 jyldarǵa arnalǵan damý strategııasy, tóreshilik júıesi, qarjylyq jáne uıymdastyrý jumystary, sondaı-aq 2028 jyly Los-Andjeleste ótetin Olımpıada oıyndaryna daıyndyq máseleleri qaraldy.
Budan bólek, Kongress aıasynda Birikken kúres áleminiń prezıdentin saılaý rásimi ótti. Nenad Lalovıch uıymnyń prezıdenti bolyp qaıta saılandy.
Aıta keteıik, Nenad Lalovıch Birikken kúres áleminiń prezıdenti bolyp qaıta saılandy.
