Erkin kúresten Olımpıada oıyndarynyń jerebesi tartyldy

PARIJ. KAZINFORM – Frantsııa astanasy Parıj qalasynda ótip jatqan Olımpıada oıyndarynda erteń erkin kúres sheberleri jarystaryn bastaıdy. Osyǵan oraı búgin jerebe tartylyp, qazaqstandyq balýandardyń alǵashqy qarsylastary belgili boldy.

Parıj Olımpıadasynda erkin kúresten Qazaqstan namysyn 4 balýan qorǵaıdy.

86 keli. 1/8 fınal. Azamat Dáýletbekov — Aoron Brýks (23 jasqa deıingiler arasynda Álem chempıony)

86 kelige deıingi salmaqta álem chempıonatynyń eki dúrkin qola júldegeri Azamat Dáýletbekov alǵashqy aınalymda AQSh-tyń ishki irikteýinde Tokıo Olımpıadasynyń chempıony Davıd Teılordan aılasyn asyrǵan Aoron Brýkspen sheberlik baıqasatyn boldy. 

57 keli. 1/8 fınal. Meırambek Qartbaı — Bekzat Almaz ýýlý (Qyrǵyzstan)

Al 57 kelide Reseı sportshylarynyń jarystan bas tartýyna baılanysty maýsym aıynda ǵana joldamaǵa ıelik etken Meırambek Qartbaı Qyrǵyzstan ókilimen shyǵady. 

Erkin kúrestegi qos sheberimiz erteń alǵashqy beldesýin ótkizedi.