Erkin kúresten qazaqstandyq eki balýan álem chempıonatynda qola aldy

ASTANA. KAZINFORM — Horvatııa astanasy Zagrebte ótip jatqan álem chempıonatynda erkin kúresten qazaqstandyq eki balýan qola júldeger atandy. 

Aldymen Asyljan Esengeldi (60 keli) júlde jolynda amerıkalyq Djaksen Patrık Forresti utyp, qola júlde aldy.

Odan keıin Nurqoja Qaıpanov (70 keli) 3-oryn úshin kúreste moldovalyq (70kg) Vasıle Dıakonany jeńdi.

Elimizdiń atynan álem chempıonatynda baq synap jatqan el quramasynda Olımpıada, álem jáne Azııa chempıonatynda júlde alǵan tájirıbeli balýandar bar. Olarmen qatar túrli jas sanatyndaǵy iri jarystarda joǵary oryndardan kóringen jas sportshylar kirdi.

Bapkerler erkin kúresten Ádilet Álmuhamedov (57 keli), Asyljan Esengeldi (61 keli), Nachyn Kýýlar (65 keli), Nurqoja Qaıpanov (70 keli), Álibek Ábdiqasym (74 keli), Bolat Saqaev (79 keli), Azamat Dáýletbekov (86 keli), Kamıl Kýrýglıev (92 keli), Rızabek Aıtmuhan (97 keli) jáne Álisher Erǵalı (125 keli) syndy balýandardy alyp barǵan edi.

Álem chempıonaty erkin kúresten ózge grek-rım jáne áıelder kúresinen 21 qyrkúıekke deıin ótkiziledi.