Erkin kúresten Azııa chempıonatynda qazaqstandyq balýandar 7 medal aldy

ASTANA. KAZINFORM — Vetnamnyń Výngtaý qalasynda Erkin kúresten 23 jasqa deıingiler arasynda Azııa chempıonaty aıaqtaldy.

Qurlyqtyq dodada qazaqstandyq balýandar 1 altyn, 3 kúmis, 3 qola medal ıelendi.

Nátıjesinde jalpy komandalyq esepte Úndistannan keıin ekinshi orynǵa turaqtady. Úzdik úshtikti Ózbekstan túıindedi.

El quramasynan Maıs Alıev (70 keli) chempıon ataǵyn jeńip aldy.

Kúmis medalǵa Mereı Bazarbaev (61 keli), Elnar Shildebaı (86 keli), Nurdáýlet Bekenov (97 keli) ıe bolsa, Nurdáýlet Seıilbekov (74 keli), Ashab Hadjıev (79 keli), Álimjan Sálimjan (125 keli) úzdik úshtikti túıindedi.

Bıyl qurlyqtyq dodaǵa erkin kúres boıynsha 13 memleketten 80 sportshy qatysty.