Erkin kúresten álem chempıonatyna baratyn qazaqstandyq balýandar anyqtaldy

ASTANA. KAZINFORM - Horvatııa astanasy Zagreb qalasynda 13-21 qyrkúıek aralyǵynda ótetin kúres túrlerinen eresekter arasyndaǵy álem chempıonatyna baratyn Qazaqstan quramasy belgili boldy.

Bas bapker Madııar Quramysov bastaǵan bapkerler tómendegi balýandarǵa senim artty. Olardyń qatarynda Ádilet Álmuhamedov (57 keli), Asyljan Esengeldi (61 keli), Nachyn Kýýlar (65 keli), Nurqoja Qaıpanov (70 keli), Álibek Ábilqasym (74 keli), Bolat Saqaev (79 keli), Azamat Dáýletbekov (86 keli), Kamıl Kýrýglıev (92 keli), Rızabek Aıtmuhan (97 keli), Álisher Erǵalı (125 keli) bar.

Erkin kúres sheberleri búginde Grýzııada alǵashqy oqý-jattyǵý jıynyn ótkizip jatyr. Daıyndyqtyń ekinshi kezeńi elimizde ótedi.

Eske salsaq, budan buryn Grekııa astanasy Afıny qalasynda ótip jatqan erkin kúresten 17 jasqa deıingi jasóspirimder arasyndaǵy álem chempıonatynda Bekasyl Asambek (60 keli) qola júldeni qorjynǵa saldy.

Qazaqstandyq balýan úshinshi oryn úshin beldesýde ırandyq Arıan Mehralızademen sheberlik baıqasty. Nátıjesinde beldesý 9:0 esebimen qazaqstandyq sportshynyń paıdasyna aıaqtaldy.