Erkin kúresten álem chempıonatyn Qazaqstan quramasy eki medalmen aıaqtady

ASTANA. KAZINFORM – Kúres túrlerinen Horvatııanyń Zagreb qalasynda ótip jatqan álem chempıonaty aıasynda erkin kúres jarystary aıaqtaldy.

Qazaqstandyq balýandar fınalǵa shyǵa almady. Nurqoja Qaıpanov (70 kelige deıin) altynǵa bir qadam jetpeı qaldy. 

Ol jartylaı fınalda mońǵolııalyq Týlga Týmýr Ochırǵa ese jiberdi. Alaıda Nurqoja úshinshi oryn úshin ótken beldesýde moldovalyq Vasılıı Dıakondy jeńip, álem chempıonatynyń qola júldesine qol jetkizdi. 

Taǵy bir balýanymyz Asyljan Esengeldi de (61 kelige deıin) úshinshi oryndy qanaǵat tutty. Otandasymyz qola júlde úshin ótken kezdesýde amerıkalyq Djekson Forresti qapy qaldyrdy. 

Osylaısha, Qazaqstan quramasy álem chempıonatyn eki qola medalmen aıaqtady. Al Kamıl Qýrýglıev (92 kelige deıin) besinshi orynǵa turaqtady. 

Buǵan deıin Rızabek Aıtmuhan erkin kúresten álem chempıonatynyń alǵashqy aınalymynda jeńilip qalǵanyn jazǵan edik.