Erkin kúres: Meırambek Qartbaı Parıj Olımpıadasynyń shırek fınalyna shyǵa almady

PARIJ. KAZINFORM – Erkin kúresten Qazaqstan komandasynyń múshesi Meırambek Qartbaı Parıj Olımpıadasynyń shırek fınalyna óte almady.

57 kelide synǵa túsken Qartbaı alǵashqy beldesýde qyrǵyz balýany Bekzat Almazýýlymen kim myqtyny anyqtaǵan. Ókinishke qaraı, otandasymyz 1:4 esebimen qarsylasqa jol berdi. 

Bul juptyń myqtysy endi shırek fınalda AQSh nemese Qytaı sportshysymen kim myqtyny anyqtaıdy. Jarysty ary qaraı jalǵastyrý úshin Meırambek Qartbaı qyrǵyz balýanynyń fınalǵa deıin súrinbeýin kútedi. 

Aıta keteıik, Meırambek bıyl Bishkektegi Azııa chempıonatynda qola júldeger atanǵan. 

Eske sala keteıik, grek-rım kúresinen 77 kelige deıingi salmaqta baq synaǵan Demeý Jadyraev Parıj Olımpıadasynyń kúmis júldegeri atanǵan edi.

Aıta keteıik, ázirge Qazaqstan quramasynyń qorjynynda 1 altyn, 3 kúmis, 3 qola júlde bar.

Frantsııa astanasy Parıj qalasynda ótip jatqan XXXIII jazǵy Olımpıada oıyndary 11 tamyzda máresine jetedi. Oıyndarǵa álemniń 205 elinen 10 500 sportshy qatysyp jatyr. Olımpıadashylar 32 sport túrinen 329 medal jıyntyǵyn sarapqa salyp jatyr.