Erkin kúres: Meırambek Qartbaı qola júldege talasa almaıdy

PARIJ. KAZINFORM – Frantsııa astanasy Parıj qalasynda ótip jatqan Olımpıada oıyndarynda erkin kúresten synǵa túsken Meırambek Qartbaı qola medalǵa talasý múmkindiginen aıyryldy.

57 kelige deıingi salmaqta Meırambek Qartbaıdy birinshi beldesýinde jeńgen qyrǵyz balýany Bekzat Almaz ýýlý ókinishke qaraı, shırek fınalda amerıkalyq sportshy Rıchard Spenser Lıden jeńilip qaldy. Osylaısha, otandasymyz Meırambek Qartbaı jubanysh beldesýinde synǵa túsý múmkindiginen aıyryldy.

Aıta keteıik, búgin qazaqstandyq sportshylar kórkem gımnastıka, baıdarka men kanoede esý, qazirgi bessaıys, erkin kúres jáne quzǵa órmeleý saıystarynan el namysyn qorǵap jatyr.

Esterińizge sala ketsek, kórkem gımnastıkadan qazaqstandyq Eljana Tanıeva eki jattyǵýdyń irikteý saıystarynyń qorytyndysy boıynsha 62.850 upaımen 7-orynda tur.