Erkin kúres: Qazaqstan quramasy álem chempıonatynda komandalyq esepte 3-oryn aldy

ASTANA. KAZINFORM – Grekııa astanasynda erkin kúresten jasóspirimder arasyndaǵy álem chempıonaty amáresine jetti. 

Ulttyq olımpıadalyq komıtettiń málimetinshe, otandastarymyz halyqaralyq jarysty 3 qola medalmen aıaqtady. 

Úshinshi orynnan kóringen balýandar: Danael Ábdiqasym (51 kelige deıin), Bekasyl Asambek (60 kelige deıin) jáne Dinmuhamed Qasymbek (80 kelige deıin). 

Komandalyq esepte Qazaqstan úshinshi orynǵa ıe boldy. Birinshi oryndy AQSh quramasy jeńip aldy. Iran ekinshi orynmen shekteldi. 

Buǵan deıin Grekııa astanasy Afıny qalasynda ótip jatqan erkin kúresten 17 jasqa deıingi jasóspirimder arasyndaǵy álem chempıonatynda Dinmuhammed Qasymbek (80 keli) qola júldege qol jetkizgenin jazǵan edik.