Erkin Qadyrbekuly jańa qyzmetke taǵaıyndaldy

ASTANA. KAZINFORM — Prezıdent Jarlyǵymen Erkin Qadyrbekuly Ahınjanov Qazaqstan Respýblıkasynyń Birikken Tanzanııa Respýblıkasyndaǵy, Mozambık Respýblıkasyndaǵy Tótenshe jáne ókiletti Elshisi qyzmetin qosa atqarýshy bolyp taǵaıyndaldy. Bul týraly Aqordanyń baspasóz qyzmeti habarlady.

«Memleket basshysynyń Jarlyǵymen Qazaqstan Respýblıkasynyń Ońtústik Afrıka Respýblıkasyndaǵy Tótenshe jáne ókiletti Elshisi Erkin Qadyrbekuly Ahınjanov Qazaqstan Respýblıkasynyń Birikken Tanzanııa Respýblıkasyndaǵy, Mozambık Respýblıkasyndaǵy Tótenshe jáne ókiletti Elshisi qyzmetin qosa atqarýshy bolyp taǵaıyndaldy», - delingen qujatta.

Buǵan deıin Danııar Sarekenov Slovenııa Respýblıkasyndaǵy Tótenshe jáne ókiletti Elshi bolyp taǵaıyndalǵan bolatyn.