Erkindikke shyǵarylǵan jolbarys Habarovsk ólkesiniń soltústigine baǵyt aldy
ASTANA. QazAqparat - Ýpornyı dep atalyp ketken jolbarys shamamen bes aı buryn bosatylǵan. Ol tap qazirgi ýaqytta Habarovsk ólkesiniń soltústigine qaraı ketip barady, dep habarlady BAQ «Amýr jolbarysy» ortalyǵy fılıalynyń dırektory Sergeı Aramılevke silteme jasap.
Óz habarlamasynda Aramılev: «Jıyrma birinshi qazandaǵy málimetterge qaraǵanda, jolbarys Komsomolsk aýdany aýmaǵynda júr. Ol Habarovsk ólkesiniń soltústigine bet aldy. Jyrtqysh bostandyqqa shyǵyrylǵannan beri jeti júz shaqyrymdy júrip ótti»,- dep jazdy.
Atap óteıik, sarapshylar jolbarysty GPS-modýli ornatylǵan onyń qarǵy baýy arqyly baqylap otyr.
