Erkınbek Alıpsatarov: Ár halyqtyń basty baılyǵy, baǵa jetpes qazynasy – ana tili
«Ár halyqtyń basty baılyǵy, baǵa jetpes qazynasy – ana tili. Qazaq elinde, qazaq jerinde, qazaq tili - memlekettik til órkendeýi tıis. Oǵan qazaq halqy ǵana emes, Qazaqstanda ómir súrip jatqan barlyq halyq úles qosyp, ony meńgerýi qajet. Ol úshin ana tilimizdiń qasıetin ózimiz bilip, ony qasterlep, dáriptep basqa ult ókilderine nasıhattaýymyz qajet» dep atap ótti qoǵamdyq birlestik tóraǵasy.
Onyń aıtýynsha, ár mádenıetti azamat úshin óz Otanyn, ósken ólkesin, onyń tarıhyn, mádenıetin, tilin bilý - paryz.
«Halyqtyń tarıhyn, mádenıetin, tilin, rýhanı baılyǵyn bilý – adamda halyqqa degen qurmet sezimin oıatady» deıdi ol.
Eske sala keteıik, keshe Qazaqstan Respýblıkasynyń Prezıdenti Qasym-Jomart Toqaev «Egemen Qazaqstan» gazetinde «Táýelsizdik bárinen qymbat» atty maqala jarııalaǵan bolatyn.
