Erkin Jýasbek M.Áýezov atyndaǵy akademııalyq drama teatrynyń dırektory bolyp taǵaıyndaldy

ALMATY. 3 sáýir. QazAqparat - Almatydaǵy Qazaqtyń memlekettik Muhtar Áýezov atyndaǵy akademııalyq drama tearynyń dırektory jáne kórkemdik jetekshisi Esmuqan Obaev óz ótinishi boıynsha qyzmetinen bosady.

Óner ordasyn 2000 jyldan beri basqaryp kele jatqan tanymal rejısser endi keńesshilik qyzmet atqarmaq. QR halyq ártisi, Qazaqstannyń eńbek sińirgen qaıratkeri, professor Esmuhan Obaevtyń ornyna QR Mádenıet jáne aqparat mınıstriniń buıryǵymen buǵan deıin Astanadaǵy Qalıbek Qýanyshbaev atyndaǵy qazaq mýzykalyq drama teatrynyń dırektory jáne kórkemdik jetekshisi bolyp qyzmet etken belgili teatr synshysy, dramatýrg Erkin Jýasbek taǵaıyndalyp otyr. Jańa basshyny ujymǵa tanystyrý barysynda QR Mádenıet jáne aqparat mınıstrliginiń Mádenıet komıtetiniń tóraǵasy Tileýǵalı Qyshqashbaev Esmuhan Obaevqa mınıstrlik atynan alǵys bildirip, «Mádenıet úzdigi» tósbelgisin tabystady.

1965 jyly 24 sáýirde Jambyl oblysy Baızaq aýdany Sarybaraq aýylynda ómirge kelgen Erkin Tileýqululynyń 2 uly, 1 qyzy bar. Almaty memlekettik teatr-kórkemsýret ınstıtýtynyń (AGTHI) teatr fakýltetin «drama jáne kıno akteri» mamandyǵy boıynsha bitirgen. Buǵan deıin
Qazaqtyń óner máselesi boıynsha ǵylymı ortalyǵynda bólim meńgerýshisi, QR Bilim jáne mádenıet mınıstrliginiń Mádenıet komıtetiniń teatr jáne kıno bóliminiń bastyǵy, Respýblıkalyq nemis drama teatrynyń dırektory, M.Áýezov atyndaǵy akademııalyq drama teatrynyń ákimshilik dırektory jáne 2008 jyldyń 4 jeltoqsanynan 2013 jyldyń 1 sáýirine deıin elordadaǵy Q.Qýanyshbaev atyndaǵy mýzykalyq drama teatrynyń dırektory boldy.