Erkin Tursynhan - Bala Turkvizyon baıqaýynyń jeńimpazy
ASTANA. QazAqparat - Kúni keshe ótken «Bala Turkvizyon» baıqaýynyń jartylaı fınalynda kórermenderdiń daýys berýi men qazylar alqasynyń ortaq sheshimi arqyly 8 ónerpaz fınalǵa joldama alǵan edi.
Kópten kúten án dodasyn kópshilik «Habar» arnasynyń tikeleı efırinen tamashalady. Esterińizde bolsa, belgili óner sheberleri jartylaı fınalǵa qatysýshylardy maýsym men tamyz aılarynyń aralyǵynda iriktegen. Sóıtip olar jeke-jeke órenderdiń talabyn qomdap, shabytyn shyńdaý arqyly búgingi saıysqa daıyndady. Ulttyq irikteý kezeńin Álııa Nazarbaevanyń «Jandaný álemi» qory uıymdastyrdy. Al bas aqparattyq demeýshi retinde «Habar» agenttigi qoldaý kórsetti. Al «Bala Turkvizyon» ulttyq irikteý kezeńiniń aqtyq syny búgin óz máresine jetti. Osy baıqaýda qaraǵandylyq Tursynhan Erkin 34,5 upaımen jeńimpaz atandy. Endi eń úzdik ónerli óren jeltoqsan aıynda Túrkııanyń Ystambul qalasynda ótetin «Bala Turkvizyon» baıqaýyna qatysady, dep jazady khabar.kz.
