Erkin Tuqymov: Qazaqstanǵa bilimdi talanttar qajet

ASTANA. QazAqparat – Qazaqstanǵa bilimdi talanttar qajet. Qazaqstan strategııalyq zertteýler ınstıtýtynyń jetekshisi Erkin Tuqymov «M. Narikbayev Public lecture» áleýmettik jobasy aıasyndaǵy qoǵamdyq dáriste memleket damýyndaǵy adamı kapıtaldyń róli týraly aıtty, dep habarlaıdy QazAqparat.

Erkin Tuqymov barlyq tabysty elderdiń tájirıbesi kórsetkendeı, jańǵyrýdyń negizgi sebebi adamı kapıtal ekenin atap ótti. Qazaqstannyń adamı kapıtalyn damytýdyń oń jáne synı faktorlary týraly aıta kele, spıker elimizdiń demografııalyq múmkindikterine toqtaldy.

«Reforma júrgizý ýaqytynyń ózindik demografııalyq shekaralary bar. Búgin qazaqstandyqtardyń ortasha jasy – 31,7 jas. Alaıda, 2035-2040 jyldardan keıin 15 jasqa deıingi balalar men zeınetkerlerdiń úlesi artýy múmkin. Bul ekonomıkanyń damý qarqynyna áser etedi. Osyǵan baılanysty Qazaqstanǵa bilimdi talanttar qajet», - dedi ol.

Sondaı-aq, Garvard ýnıversıtetiniń Qazaqstandaǵy resmı ókili retinde ol ýnıversıtetke túsý tájirıbesimen bólisip, jas mamandarǵa praktıkalyq usynystar berdi.