Erkin Shaımaǵambetov Qazǵarysh tóraǵasy bolyp taǵaıyndaldy

ASTANA. QazAqparat - QR Investıtsııalar jáne damý mınıstrligi Aeroǵarysh komıtetiniń tóraǵasy bolyp Erkin Shaımaǵambetov taǵaıyndaldy. Bul týraly QR Investıtsııalar jáne damý mınıstri Jeńis Qasymbek óziniń Facebook paraqshasynda jarııalady.

Erkin Shaımaǵambetov 42 jasta. Máskeý memlekettik avıatsııa ınstıtýtynyń túlegi. Buǵan deıin QR Investıtsııalar jáne damý mınıstrligi Aeroǵarysh komıteti tóraǵasynyń orynbasary bolyp qyzmet etken.

1974 jyly 7 maýsymda Qazaq KSR Qyzylorda oblysy Syrdarııa aýdany Tastúbek aýylynda dúnıege kelgen.

1998 jyly «Ǵaryshtyq ushý apparattary jáne údemeli aıdaý bloktary» mamandyǵy boıynsha Máskeý memlekettik avıatsııalyq ınstıtýtyn bitirdi.

1998 jyldyń naýryzynan bastap Ǵylym mınıstrligi - QR Ǵylym akademııasy Ulttyq aeroǵarysh agenttiginiń «Baıqońyr» ǵarysh aılaǵy basqarmasynda «Baıqońyr» ǵarysh aılaǵy obektilerin paıdalaný jaǵdaılaryn baqylaý boıynsha bólimniń bas mamany (Baıqońyr q.) bolyp jumys istedi. 1998 jyldyń qarashasynan bastap atalǵan bólimniń bastyǵy bolyp taǵaıyndaldy.

2005 jyly Qazaqstan Respýblıkasy Bilim jáne ǵylym mınıstrligi Aeroǵarysh komıteti «Baıqońyr» ǵarysh aılaǵy basqarmasynyń bastyǵy bolyp taǵaıyndaldy.

2006 jyly Qazaqstan Respýblıkasy Bilim jáne ǵylym mınıstrliginiń Aeroǵarysh komıteti tóraǵasynyń orynbasary bolyp taǵaıyndaldy.

2007 jyldyń 8 maýsymynan bastap, Qazaqstan Respýblıkasy Ulttyq ǵarysh agenttigi tóraǵasynyń orynbasary boldy.

Marapattary bar: «Eren eńbegi úshin» medali (2005 j.); «Qazaqstan Respýblıkasynyń táýelsizdigine 20 jyl» medali (2011 j.).

Úılengen, uly bar.