Erkin saýda aımaǵy týraly Ýkraına men Eýroodaq arasyndaǵy kelissózder sheshýshi satyǵa kóterildi
KIEV-MINSK. 18 shilde. QazAqparat /Aıtýar Mamlın/ - Ýkraına men Eýropalyq komıssııa aǵymdaǵy jyldyń 29 qyrkúıegine josparlanyp otyrǵan Shyǵys áriptestik sammıtine deıin Ýkraına men Eýroodaq arasynda erkin saýda aımaǵynyń tereńdegen jáne jan-jaqty qamtylǵan barlyq ustanymdy erejelerin kelisýge múddeli.
Ýkraına syrtqy ister mınıstri Konstantın Grışenko men Eýroodaqtyń saýda máseleleri jónindegi komıssary Karel de Gýht 18 shilde kúni Brıýsselde ótken kelissózder barysynda osyndaı pikirge keldi, dep habarlaıdy Ýkraına syrtqy ister mınıstrliginiń baspasóz qyzmeti.
«Erkin saýda aımaǵy týraly kelisim barynsha tez daıyn bolýy kerek. Eýropalyq tarap buny jaqsy túsinip otyr», - dep atap ótti K. de Gýht áńgime barysynda.
