Erkin kúresten jas balýandarymyz álem birinshiligin júldesiz aıaqtady
QazAqparat - Fınlıandııanyń Tampere qalasynda erkin kúresten jastar arasynda ótip jatqan álem birinshiginde balýandarymyz júldesiz qaldy, dep qabarlaıdy Qazaqparat tilshisi.
El namysyn qorǵaýǵa attanǵan balýandarymyzdan 50 keli salmaqta synǵa túsken Rahat Qaljan alǵashqy aınalymda moldovalyq Lon Topalany 11:0 esebimen oısyrata utty. Ekinshi beldesýinde AQSh balýany Malık Shon Haınselmandy 8:2 esebimen jeńip, jartylaı fınalǵa joldama alǵan bolatyn. Ókinishke qaraı, jartylaı fınalda armenııalyq Karen Zýrabıannan 2:5 esebimen utylyp qaldy. Al qola medal úshin talasta otandasymyz mońǵolııalyq balýanǵa ese jiberip júldesiz qaldy.
55 keli salmaqta Qýatbek Muhamed, 60 keli salmaqta synǵa túsken Aslan Qýanyshbekov, 74 keli salmaqtaǵy Jaqsylyq Sultan, 84 kelidegi Almas Júnis, 120 keli salmaqta Ádilbek Botabek birinshi beldesýinde qarsylastarynan utylyp jarysty erte aıaqtady.
96 kelidegi Álisher Erǵalı birinshi beldesýinde moldovalyq balýandy utyp, ekinshi beldesýinde AQSh balýanyna jol berdi.
55 keli salmaqta kúresken jasóspirimder arasynda Olımpıada chempıony Qýatbek Muhamedke zor úmit artqan edik. Alaıda, Qýatbek alǵashqy aınalymda ırandyq balýannan 4:5 esebimen utylyp, jarystan shyǵyp qaldy. 66 keli salmaqta Darhan Esenǵalı birinshi beldesýinde fınlıandııalyq qarsylasyn utqanymen 1/8 fınalda armenııalyq balýanǵa ese jiberdi.
Komandalyq esepte reseı 4 altyn, 1 kúmis, 1 qola medalmen kósh bastasa, AQSh 3 altyn, 3 kúmis, 1 qola medamen ekinshi orynǵa jaıǵasty. Al úzdik úshtikti 1 altyn 2 qola medal jeńip alǵan Ázerbaıjan balýandary túıindedi.
