Erkin kúresten ulttyq qurama Álem kýbogyna qatysa almaýy múmkin
ALMATY. QazAqparat - Qazaqstannyń erkin kúresten ulttyq quramasy AQSh vızasyn ala almaı jatyr, dep habarlaıdy QazAqparat tilshisi.
Muhıttyń ar jaǵynda jaqynda erkin kúresten Álem kýbogy ótedi.
Qazaqstannyń quramasy 2017 jyly jaqsy reıtıng kórsetip, Reseı, Ázerbaıjan, Kýba elderimen bir topqa tústi. Alaıda bizdiń birqatar myqty palýandarymyz vıza ala almaı jatyr.
Búgingi tańda AQSh 4 palýanǵa vıza berýden bas tartty. Sebep belgisiz. Biz AQSh-tyń kúres federatsııasyna habarlastyq. Olar AQSh elshiliginiń sheshimine áser ete almady. Atap aıtqanda, Álem kýbogyna Jastar arasyndaǵy álem chempıony Qýatbek Muhambet pen Qaırat Ámirtaev bara almaıtyn bolyp tur», - dedi grek-rım, erkin kúresinen Qazaqstan federatsııasynyń vıtse-prezıdenti Erlan Qojasbaı.
Aıta ketý kerek, Álem kýbogyna Reseı men Iran quramasy da vıza ala almaı jatyr.
«Biz vızaǵa qujattardy qaıta tapsyrdyq. Eki sportshynyki maquldanbady. Týrnırge barmaýǵa bolmaıdy. Sebebi federatsııa qomaqty aıyppul tóleıdi», - dedi Qazaqstan quramasynyń keńesshisi Maırbek ıÝsýpov.
Foto: admprom.ru
