Erkin kúresten ulttyq komandanyń bas bapkeri aldaǵy maýsym josparlarymen bólisti
NUR-SULTAN. QazAqparat - Erkin kúresten Qazaqstan komandasynyń bas bapkeri Áset Serikbaev 2020 jylǵy basty josparlarmen bólisti dep habarlaıdy QazAqparat Olympic.kz silteme jasap.
«Bıylǵy maýsym óz máresine jetti. Endi biz óte jaýapty kezeń – Olımpıada jylyna daıyndalýdamyz. 2020 jyldyń qańtarynan bastap sportshylar oqý-jattyǵý jıynyn ótkizedi. 15-18 qańtar kúnderi Italııadaǵy reıtıngilik týrnırge qatysamyz. Azııa chempıonatynyń ótetin merzimi áli de bolsa belgisiz. Al 26-30 naýryz aralyǵynda lıtsenzııalyq týrnır bar. Osy synda biz qalǵan eki salmaqtaǵy Olımpıada joldamasyn enshileýde maqsat etip otyrmyz. Sáýir aıyna deıingi naqty josparlar osy. Jyldyń eń basty sporttyq oqıǵasy – Tokıodaǵy Olımpıada oıyndarynda sátti óner kórsetýdi josparlap otyrmyz», - deıdi bas bapker.
Bul kúnderi erkin kúresten Qazaqstan komandasy AІVA akademııasynda oqý-jattyǵý jıyndaryn ótkizýde.
