Erkin kúresten taǵy bir balýan Olımpıada joldamasyn jeńip aldy
NUR-SULTAN. QazAqpara - Búgin kúres túrlerinen elordada ótip jatqan álem chempıonatynda Álisher Erǵalı Tokıo Olımpıadasyna joldama jeńip aldy, dep habarlaıdy QazAqparat tilishi.
97 keli salmaqta el namysyn qorǵap jatqan balýanymyz shırek fınalda mońǵolııalyq qarsylasyn 10:0 esebimen, merziminen buryn jeńip, jartylaı fınalǵa shyqty. Osylaısha, júldeli oryndarǵa talasý múmkindigimen qatar 2020 jylǵy Olımpıada oıyndarynyń joldama aldy.
Esterińizge sala keteıik, osyǵan deıin 74 kelide beldesken Danııar Qaısanov Olımpıadaǵa joldama jeńip alǵanyn jazǵan bolatynbyz.
Bul erkin kúres sheberleri jeńip alǵan tórtinshi Olımpıada joldamasy. Buǵan deıin Danııar Qaısanovtan bólek, Nurıslam Sanaev jáne Dáýlet Nııazbekov lıtsenzııaǵa qol jetkizdi.
