Erkin kúresten reıtıngtik týrnırde Qazaqstan qorjynyna kúmis medal tústi

ASTANA. QazAqparat - Vengrııa astanasy Býdapesht qalasynda ótip jatqan kúres túrlerinen reıtıngtik týrnırde Ósimjan Dastanbek (61 keli) kúmis medal aldy, dep habarlaıdy QazAqparat tilshisi.

Jarys barysynda Ósimjan Dastanbek fınalda albanııalyq Zelımhan Abakarovqa ese jiberdi. Bul salmaqta qazaqstandyq taǵy bir balýan Asyljan Esengeldi «qola» aldy. Ol 3-oryn úshin beldesýde grýzın Shota Partenadzeni qapy qaldyrdy.

Sondaı-aq, Sanjar Dosjanov​ (70 keli) ırandyq Amır ıAzdanıdi, Danııar Qaısanov (79 keli) qazaqstandyq taǵy bir balýan Nurdáýlet Qýanyshbaıdy jeńip, qola júlde aldy.

​​Al áıelder kúresinen Irına Kýznetsova (62 keli) men Elena Shalygına (68 keli) ​júldeden tys qaldy.

Búgin, 15 shildede áıelder kúresinen 55, 59, 65, 72 jáne 76 kelide júldeler sarapqa salynady. El quramasynan Marına Sedneva (55 keli) jáne Jamıla Baqbergenova (72 keli) saıysqa túsedi.

Sondaı-aq, búgin grek-rım kúresinen 55, 60 jáne 63 kelide balýandar boz kilemge shyǵady.

Eske salsaq, budan buryn el quramasynan Nurqoja Qaıpanov erkin kúresten reıtıngtik týrnırde kúmis medal aldy.