Erkin kúresten Qazaqstan sportshysy álem chempıonatynyń «altynyna» talasady
ASTANA. QazAqparat - Qazaqstandyq erkin kúres palýany Dáýlet Ergesh osy kúnderi Ispanııanyń Pontevedra qalasynda ótip jatqan jastar arasyndaǵy álem chempıonatynda altyn júlde úshin talasady, dep habarlaıdy QazAqparat Sports.kz saıtyna silteme jasap.
Qazaqstandyq palýan jarystyń 79 kelige deıingi salmaq dárejesinde fınalǵa ótip, onda Grýzııa sportshysy Vladımerı Gamkrelıdzemen kezdesedi. Jartylaı fınalda Ergesh Amerıka sportshysy Karter Starokchımen ótken jekpe-jekte qarsylasyn 8-7 esebimen utty.
Buǵan deıin grek-rım kúresinen qazaq palýany Oljas Sultan 60 keli salmaqta álem chempıonatynyń qola júldesin jeńip alǵan bolatyn.
Foto: sports.kz
