Erkin kúresten Kamıl Kýrýglıev Azııa chempıony atandy

ASTANA. QazAqparat - Iordanııa astanasy Amman qalasynda ótip jatqan erkin kúresinen 20 jasqa deıingi jastar arasyndaǵy Azııa chempıonatynda eki qazaqstandyq júldegerler qatarynan kórindi, dep habarlaıdy QazAqparat tilshisi.

12 shildeden bastap kúres túrlerinen 15 jáne 20 jasqa deıingi jasóspirimder men jastar arasynda Azııa chempıonaty ótip jatyr.

Jarystyń segizinshi kúninde erkin kúresten 20 jasqa deıingi jastar 5 salmaq dárejesinde synǵa tústi. Qazaqstandyq balýandar el qorjynyna 4 júlde saldy.

El quramasynan Kamıl Kýrýglıev (97 keli) fınalda ózbek Aınazar Bazarbaevpen kezdesti. Saıys barysynda qarsylasyn qapy qaldyryp, Azııa chempıony atandy.

Al Mereı Bazarbaev (57 keli), Muhametáli Qabıdoldanov (70 keli), Maǵjan Janyrbaı (79 keli) qola júldeger atandy.

​Endi 20 shildede 20 jasqa deıingi jastar arasyndaǵy erkin kúresten 61, 74, 86, 92 jáne 125 kelide júldeler sarapqa salynady.

Eske salsaq, Azııa chempıonatynda áıelder kúresinen qazaqstandyq balýandar 1 kúmis, 4 qola aldy.