Erkin kúresten Azııa chempıonatyna baratyn sportshylar anyqtaldy
NUR-SULTAN. QazAqparat - Nıý-Delıde (Úndistan) ótetin erkin kúresten Azııa chempıonatynda el namysyn qorǵaıtyn balýandarymyzdyń esimderi belgili boldy, dep habarlaıdy QazAqparat.
QR Ulttyq olımpıadalyq komıteti habarlaǵandaı, «Saryqurlyq» dodasy 18-23 aqpan aralyǵynda ótedi.
Erkin kúresten Azııa chempıonatyna 10 salmaq sanaty boıynsha ár salmaqtan bir-bir balýannan qatysady.
Atap aıtar bolsa, 57 keli salmaqta Nurıslam Sanaev, 61 kelide Nurbolat Abdýalıev, 65 keli salmaqta Dáýlet Nııazbekov el namysyn qorǵaıdy. 70 kelide Meıirjan Áshirov synǵa tússe, 74 keli salmaqta Danııar Qaısanovqa, 79 kelide Ǵalymjan Óserbaevqa senim artamyz.
Al 86 kelide Azamat Dáýletbekov, 92 kelide Ilızhan Chılaev, 97 keli salmaqta Álisher Erǵalı synǵa túsedi. Sonymen qatar 125 keli salmaqta ıÝsýp Batyrmýrzaev el namysyn qorǵaıdy.
Esterińizge sala keteıik, osyǵan deıin qurlyq birinshiligine baratyn grek-rım sheberleri men áıelder kúresiniń balýandary týraly jazǵan bolatynbyz.
