Erkin kúresten Azııa chempıonaty: Búgin 5 qazaqstandyq óner kórsetedi
ASTANA. QazAqparat – Búgin, 14 sáýirde Astana qalasynda erkin kúresten Azııa chempıonatynyń ekinshi oıyn kúni ótedi, dep habarlaıdy QazAqparat tilshisi.
Bul kúni 61, 74, 86, 92 jáne 125 kelige deıingi salmaq dárejesindegi sportshylar kúresedi.
Olardyń qatarynda Nurbolat Ábdýalıev (61 keli), Darhan Esenǵalı (74 keli), Azamat Dáýletbekov (86 keli), Rızabek Aıtmuhan (92 keli), Júsip Batyrmurzaev (125 keli) bar.
El quramasynan Nurbolat Ábdýalıev alǵashqy beldesýinde mońǵolııalyq Tıýmenbılegıın Tıývshıntýlgamen kezdesse, Darhan Esenǵalı sıngapýrlik Lý Hong Ioýmen sheberlik baıqasady.
Al Azamat Dáýletbekov shırek fınalda pákistandyq Nýman Zaka - sıngapýrlik Garı Choý jubynyń jeńimpazymen jolyqsa, Rızabek Aıtmuhan qyrǵyzstandyq Mırlan Shynybekov pen ıraktyq Issa Abdýl-Salam jubynyń jeńimpazymen qarsylas atanady.
Sondaı-aq Júsip Batyrmurzaevtyń shırek fınaldaǵy alǵashqy qarsylasy - japonııalyq Taıkı ıAmamoto men úndistandyq Anırýdh Gýlııa jubynyń jeńimpazy.
Eske salsaq, grek-rım kúresinen Azııa chempıonatynda el quramasy jalpy esepte 3-orynǵa turaqtady. Enshisinde 1 altyn, 2 kúmis jáne 5 qola medal bar.
Sondaı-aq áıelder kúresinen qazaqstandyq balýandar 2 altyn, 3 qola medalmen 4-oryn aldy.
Al erkin kúresten jarystyń alǵashqy kúninde qorjynǵa 2 altyn, 1 qola tústi.
