Erkin kúresten Azııa chempıonaty: Azamat Dáýletbek el qorjynyna tórtinshi altyndy saldy
Astana qalasynda ótip jatqan qurlyqtyq doda fınalynda qazaqstandyq balýan ırandyq Adı Reza Karımımen kezdesti.
Alǵashqyda qarsylasy bir upaımen alda turǵan edi. Odan keıin Azamat qatarynan 4 upaı enshiledi.
Nátıjesinde ol qarsylasynan 4:1 esebimen basym túsip, Azııa chempıony atandy.
Qazaqstandyq balýan fınalǵa deıin sıngapýrlyq Ven Lýendi, ózbekstandyq Bobýr Islomovty jeńdi.
Osylaısha ol tórtinshi altyn medaldy el qorjynyna saldy.
Aıta keteıik, Azamat - byltyrǵy Mońǵolııadaǵy sary qurlyq chempıonatynyń jeńimpazy. Ol bıyl elimizdegi mańyzdy báseke - jazǵy Spartakıadada qarsylas shaq keltirgen joq.
Qazirge deıin el quramasynan búgin Darhan Esenǵalı (74 keli) chempıondyq tuǵyrǵa kóterildi.
Eske salsaq, erkin kúresten jarystyń alǵashqy kúninde qorjynǵa 2 altyn, 1 qola tústi.
Endi el quramasynan erkin kúresten Rızabek Aıtmuhan (92 keli), Júsip Batyrmurzaev (125 keli) fınalda kúresedi.
