Erkin kúresten álem chempıonatyna qatysatyn el quramasynda kimder bar
QYZYLORDA. QazAqparat - Serbııada ótetin erkin kúresten álem chempıonatyna qatysatyn el quramasynyń quramy belgili boldy, dep habarlaıdy QazAqparat tilshisi.
Dúbirli doda 10-18 qyrkúıek aralyǵynda Serbııa astanasy Belgrad qalasynda ótedi.
Álem chempıonatynda el quramasy sapynda Rahat Qaljan (57 keli), Asyl Aıtaqyn (61 keli), Ádil Ospanov (65 keli), Syrbaz Talǵat (70 keli), Nurqoja Qaıpanov (74 keli), Bolat Saqaev (79 keli), Azamat Dáýletbekov (86 keli), Ádilet Dáýlimbaev (92 keli), Mamed Ibragımov (97 keli), Oleg Boltın (125 keli) synǵa túsedi.
Kúres túrlerinen birikken álem chempıonaty 2005 jyldan beri turaqty ótkizilip keledi. Al odan buryn grek-rım kúresinen 1904, erkin kúresten 1951, áıelder kúresinen 1987 jyldan beri uıymdastyrylǵan.
Qazirge deıin qazaqstandyq balýandar 54 (5 altyn, 18 kúmis,31 qola) medal aldy. Jalpy komandalyq esepte júldege ilikken 67 memlekettiń arasynda 32 orynda tur.
Eske salsaq, budan buryn qazaqstandyq balýan jastar arasynda álem chempıonatynyń kúmis júldegeri atandy.
