Erkin kúresten ÁCh: Asyl Aıtaqyn qola enshiledi
BELGRAD. QazAqparat - Serbııanyń Belgrad qalasynda kúres túrlerinen 23 jasqa deıingi sportshylar arasynda ótip jatqan álem chempıonatynda Qazaqstan qorjynyna alǵashqy medal tústi, dep habarlaıdy QazAqparat Olympic.kz-ke silteme jasap.
Erkin kúresten 61 kelige deıingi salmaqta synǵa túsken Asyl Aıtaqyn týrnırdiń qola júldegeri atandy.
Úshinshi oryn úshin ótken kezdesýde ol Vengrııa ókili Gamzadgadjı Halıdovpen kezdesip, 3:3 esebimen teń tústi. Alaıda, tóreshiler ádis sapasy boıynsha jeńisti Asylǵa berdi.
Aıta ketelik, atalǵan synda grek-rım kúresinen básekeler aıaqtaldy. Ókinishke qaraı, «klassıkterde» júlde joq.
