Erkin kúres sheberleriniń Golden Gran-prı jarysynda qazaqstandyqtar 2 qola medal jeńip aldy
ALMATY. 30 qańtar. QazAqparat /Erlik Erjanuly/ - 26-29 qańtar kúnderi Reseıdiń Krasnoıarsk qalasynda erkin kúresten Ivan ıArygındi eske alýǵa arnalǵan Golden Gran-prı jarysy ótti.
Onda qazaqstandyq jigitter júldeger qataryna ilinbedi. Qurama qorjynyna túsken 2 qola júldeni de áıelder kúresiniń sheberleri ıelendi. Onda qazaqstandyqtar arasynan alǵashqy medalǵa 27 qańtarda 67 kelidegi Tatıana Zaharova ıe boldy. Al kelesi kúni ony 55 keli salmaqta beldesken Aıym Ábildına eseleı tústi. Jalpy bul dúbirli dodada aldymen erler arasynda 74, 55 jáne áıelder arasynda 51, 59, 67 kelidegi balýandar beldesti. Kelesi kúni erler arasynda - 60, 66, áıelder arasynda - 48, 55, 63, 72 kelidegi jeńimpazdar anyqtaldy. Al keshe erler arasyndaǵy aqyrǵy 3 salmaqtaǵy (84, 96, 120 kg) úzdikterdiń esimi belgili boldy.
