Erkin kúres sheberleri London Olımpıadasyna tolyq qurammen qatysatyn boldy
ALMATY. 28 sáýir. QazAqparat - Keshe Qytaıdyń Taıvan qalasynda ótip jatqan lıtsenzııalyq álemdik týrnırde erkin kúresten 84 keli salmaqta Ermek Baıdýashev qola júldeger atandy.
Ol el qorjynyna HHH Jazǵy Olımpıada oıyndaryna qatysatyn ulttyq quramaǵa jetpeı turǵan sońǵy lıtsenzııaǵa ıe boldy. Endi 90 kúnnen keıin Londonda alaýy tutanatyn eń iri dúbirli dodada qazaqstandyqtar tolyq qurammen qatysýǵa múmkindik alyp otyr.
Ermek bul jarysta aldymen tájik Salım Hodjıev pen slovak Rene Matejovty utty. Shırek fınalda belarýs Soslan Gattsıevke ese jibergenimen, odan keıin kanadalyq Djefrı Adomsondy, qytaılyq Regýleng Sıdi jáne grek Emzarıos Bentenıdesemdi jeńip qola júldeger atandy.
Jalpy buǵan deıin Olımpıada joldamasyna 2011 jyly Ystambulda bolǵan Álem chempıonatynda Dáýlet Nııazbekov (55 kg), Dáýren Jumaǵazıev (60 kg), Abdýlhákim Shapıev (74 kg) pen Taımýraz Tıgıev (96 kg) jeńip alǵan edi. Olardyń qataryna bıyl Astanada ótken Azııalyq irikteý týrnırinde Aqjúrek Tańatarov (66 kg) pen Marıd Mýtalımov (120 kg) qosyldy.
