Erkin kúres sheberleri Azııa birinshiliginde ekinshi oryn aldy
ASTANA. QazAqparat - Ózbekstannyń Tashkent qalasynda kúres túrlerinen kadetter arasynda Azııa chempıonaty máresine jetti, dep habarlaıdy QazAqparat tilshisi.
QR Kúres túrleri federatsııasynyń baspasóz qyzmeti málim etkendeı, grek-rım kúresinen keıin jarysty bastaǵan erkin kúres balýandary Qazaqstan qorjynyna 7 kúmis, 1 qola medal saldy. Qyzdar arasyndaǵy básekede boıjetkenderimiz 2 qola medalǵa ıe boldy.
Ókinishke qaraı, erkin kúreste 7 birdeı balýanymyz fınalǵa shyqqanymen barlyǵy da qarsylastaryna ese jiberdi.
Atap aıtsaq, Sultan Qurmanalıev (45 keli), Asylhan Esengeldi (48 keli), Kenesary Taıyrbek (51 keli), Áýez Seıtbaev (55 keli), ıAssaýı Múhtaruly (60 keli), Bekzat Jalǵasov (65 keli), ıÝnýs Gafýrov (92 keli) syndy balýandarymyz Azııa chempıonatyn kúmis medalmen aıaqtady. Qorjynymyzǵa túsken jalǵyz qola medal 71 kelidegi Islambek Іlııasovtyń enshisinde.
Komandalyq esepte Qazaqstannyń erkin kúres balýandary 171 upaımen ekinshi orynǵa ıe boldy. Iran 196 upaımen birinshi orynda. Ózbekstan úzdik úshtikte - 146 upaı.
Qyzdar arasynda Maral Táńirbergenova (40 keli) men Nýlıfar Raımova (49 keli) - Azııa chempıonatynyń qola júldegeri atandy.
Esterińizge sala keteıik, osyǵan deıin grek-rım kúresiniń sheberleri de komandalyq esepte 138 upaımen ekinshi orynǵa ıe bolǵany týraly jazǵan bolatynbyz.
