Erkin kúres: Palýandarymyz Azııa chempıonatynyń birinshi kúninde 1 kúmis jáne 2 qola medal jeńip aldy
ASTANA. Mamyrdyń 13-i. QazAqparat /Ernur Aqanbaı/ - Úndistannyń Nıý-Delı qalasynda ótip jatqan kúres túrlerinen Azııa chempıonatynyń birinshi jarys kúninde Qazaqstannyń erkin kúres sheberleri 1 kúmis jáne 2 qola medal jeńip aldy,
dep habarlaıdy QazAqparat.
Kúmis medaldi 96 kılá salmaqta kúresken Nurjan Qataev jeńip alsa, 60 kılá salmaqta beldesken Dáýren Jumaǵazıev pen 74 kılá salmaqta synǵa túsken Seıfadın Osmanov qola medaldi qanjyǵalaryna baılady. N. Qataev fınalda ırandyq Reza ıAzdanıge ese jiberdi. Al, qola júlde úshin bolǵan kúreste D. Jumaǵazıev qytaılyq palýandy, al S. Osmanov qyrǵyz Ilgız Jaqypbekovty jeńdi. Osylaısha bizdiń erkin kúresshilerimiz Azııa chempıonatynyń birinshi kúninde-aq ótken jylǵy nátıjelerin qaıtalady. Olaı bolsa, bizdiń quramanyń qorjyny taǵy da maılana túsýi yqtımal. Sebebi, búgin boz kilem tórine taǵy tórt palýanymyz shyǵady. Olar: Dáýlet Nızbekov (55 kılá), Áset Dúkenbaev (66 kılá), Semen Semenov (84 kılá) jáne Marıd Mýtalımov (120 kılá).
