Erkin kúres: Nurqoja Qaıpanov eki dúrkin Azııa chempıony atandy
NUR-SULTAN. QazAqparat – Almatyda kúres túrlerinen ótip jatqan Azııa chempıonatynda erkin kúres sheberleri tabysty óner kórsetýde, dep habarlaıdy QazAqparat tilshisi.
Nurqoja Qaıpanov 74 keli salmaqta fınalda ırandyq Mýstafa Hosseınhanımen beldesti.
M.Hosseınhanı – Azııa chempıony, álem birinshiliginiń qola júldegeri atanǵan tájirıbeli balýan. Ol alǵashqy úsh mınýtta 2:0 esebimen alǵa shyqty. Degenmen sodan keıin kúsh-qaıratyna mingen N.Qaıpanov 6:2 esebimen jeńisti julyp aldy.
Osylaısha ol erkin kúresten Qazaqstan qorjynyna ekinshi altyn medaldi saldy.
Eske sala keteıik, Nurqoja Qaıpanov 2019 jyly Qytaıda ótken Azııa chempıonatynda da top jarǵan bolatyn. Byltyrǵy maýsymnan bastap Nurqoja olımpıadalyq salmaqqa aýysty.
Taǵy bir qazaqstandyq, jas balýan Adlan Asqar 61 kg salmaqta sońǵy beldesýde ózbekstandyq Djahongırmırza Týrobovqa ese jiberip, kúmis júldeger atandy.
Búgin sondaı-aq Oleg Boltın 125 kg salmaqta altyn júlde úshin talasady.
Eske sala keteıik, budan buryn Talǵat Syrbaz Azııa chempıony atanǵan bolatyn.
