Erkin kúres: Kıev týrnırinde 1 altyn jáne 1 kúmis medal jeńip aldyq
ASTANA. Aqpannyń 23-i. QazAqparat /Ernur Aqanbaı/ - Kıevte erkin kúresten dástúrli XVI halyqaralyq týrnır aıaqtaldy. Jarys qorytyndysy boıynsha qazaqstandyq palýandar 1 altyn jáne 1 kúmis medaldi jeńip aldy,
dep habarlaıdy QazAqparat.
«Bizdiń sport» saıtynyń dereginshe, erkin kúresten áıelder arasyndaǵy básekede Elena Shalygına (63 kılá) top jardy. Fınaldyq jekpe-jekte ol reseılik Lıýbov Volosovany jeńdi. Al, erler arasynda Marıd Mýtalıpov aqtyq synda ózbekstandyq Artýr Taımazovqa ese jiberip, kúmis júldeni qanaǵat tutty.
