Erkin kúres: Qazaqstan balýandary Azııa chempıonatynda medaldar kestesinde birinshi oryn aldy
ASTANA. QazAqparat - Astana qalasynda ótken erkin kúresten Azııa chempıonatynda Qazaqstan quramasy medaldar kestesinde birinshi oryn aldy, dep habarlaıdy QazAqparat tilshisi.
El quramasynan Sanjar Dosjanov (70 keli), Bolat Saqaev (79 keli), Darhan Esenǵalı (74 keli), Azamat Dáýletbekov (86 keli) altynnan alqa taqty.
Al Rızabek Aıtmuhan (92 keli) pen Júsip Batyrmurzaev (125 keli) kúmis júldege ıe boldy.
Sondaı-aq, Rahat Qaljan (57 keli) qola aldy.
Medaldar kestesinde qazaqstandyq balýandar Mońǵolııa (1+1+3) men Qyrǵyzstan (1+1+2) quramalaryn artqa salyp ketti.
Eske salsaq, grek-rım kúresinen Azııa chempıonatynda el quramasy jalpy esepte 3-orynǵa turaqtady. Enshisinde 1 altyn, 2 kúmis jáne 5 qola medal bar.
Sondaı-aq, áıelder kúresinen qazaqstandyq balýandar 2 altyn, 3 qola medalmen tórtinshi oryn aldy.
