Erkin elimiz jarqyn bolashaq úshin tamasha tańdaý jasady - «Nazarbaev zııatkerlik mektepteri» AQ Basqarma tóraıymy Kúlásh Shamshıdınova
ASTANA. 11 sáýir. QazAqparat - «Qazaqstan halqy bir jaǵadan bas, bir jeńnen qol shyǵaryp, yntymaqtastyq pen tatýlyqtyń asqan úlgisin kórsetti.
Erkin elimiz jarqyn bolashaq úshin tamasha tańdaý jasady. Halqymyzdy talqysy mol qıyndyqtan alyp shyqqan, jarqyn bolashaqqa bastaıtyn tarıh tańdaýy boldy. Elbasynyń jeńisi - asylyn tanyp, ardaqtaı biletin, erin demep, qoldaı biletin dana eldiń eren jeńisi», - deıdi «Nazarbaev zııatkerlik mektepteri» aktsıonerlik qoǵamynyń Basqarma tóraıymy Kúlásh Shamshıdınova.
Onyń sózinshe, «Nazarbaev zııatkerlik mektepteri» AQ-y men oǵan qarasty ujym pedagogteri zamanaýı, qarqyndy, áleýmetti Qazaqstannyń bolashaǵyn birlese qurý múmkindiginiń bolǵanyna qýanyshty. Qazaqstan halqynyń damyǵan eldermen ıyq teńestirip, ozyq ult ókilderimen terezesi teńelgenin árbir qazaqstandyq Elbasynyń kóregendikpen júrgizgen salıqaly saıasatynyń arqasynda kelgen baq dep biledi.
«Prezıdentimizge memleketimizdi gúldendirý jolynda tabystar men myqty densaýlyq tileımiz! Shyn júrekten shyqqan jáne shynaıy yqylasqa toly quttyqtaýymyz ben kóp qyrly qyzmetine jańa tabystar tileımiz»,-deıdi aktsıonerlik qoǵam men men oǵan qarasty mekemeler atynan Elbasynyń Prezıdent bolyp saılanýyna baılanysty joldaǵan quttyqtaýynda.
