Erkin Dármenov qarsylasyn 30 sekýndta nokaýtqa jiberdi
ASTANA. QazAqparat - 15 sáýir kúni Sheshenstanda aralas jekpe-jekten «Berkut Young Eagles 2»: Gran-prı 2018 týrnıri ótti. Oǵan Qazaqstannyń úsh birdeı sportshysy qatysty, dep habarlaıdy «SPORTINFORM» SAA tilshisi.
Aqtóbelik faıter Raıymbek Orynbaı Reseı ókili ıÝsýf-Hadjı Zýbaırıevpen kezdesti. Eki raýndtqa sozylǵan jekpe-jek qorytyndysy boıynsha tóreshiler jeńisti reseılikke berdi.
Qaraǵandydan barǵan Nıkıta Ermolaev ta Reseı sportshysy Musa Vısengerıevke ese jiberdi, bul joly tehnıkalyq nokaýt tirkeldi.
Qazaqstandyqtardyń úshinshi ókili, astanalyq Erkin Dármenov jergilikti «Berkýt» klýbynyń faıteri Ahmed Magomedovke qarsy oktagonǵa kirdi. Kezdesý nebári 30 sekýndqa sozyldy. Erkin qarsylasyn jarty-aq mınýtta tereń nokaýtqa jiberdi. Osy jeńis Dármenovtiń Gran-prıdiń shırek fınalyna shyǵýyna múmkindik berdi.
