QR Prezıdenti teleradıokesheni dırektorynyń jańa orynbasary taǵaıyndaldy
ASTANA. KAZINFORM - Erkejan Kúntýǵan Qazaqstan Respýblıkasy Prezıdentiniń teleradıokesheni dırektorynyń orynbasary qyzmetine taǵaıyndaldy.
Erkejan Kúntýǵannyń medıa salasynda tájirıbesi mol. 2023 jyldyń qańtarynan beri Jibek Joly telearnasynyń dırektory qyzmetin atqaryp keldi, al oǵan deıin Prezıdent Teleradıokesheninde kreatıvti dırektor boldy.
Ár jyldary Atameken Business telearnasynda atqarýshy prodıýser, «Evrazııa» telearnasynda kreatıvti prodıýser bolyp qyzmet atqarǵan.
Erkejan Kúntýǵan bul laýazymynda QR Prezıdenti Teleradıokesheni qyzmetiniń negizgi baǵyttaryn úılestirýge atsalysady. Oǵan televızııalyq kontentti damytý, aqparattyq jáne shyǵarmashylyq jobalardy iske asyrý, sondaı-aq óndiristik úderisterdi jetildirý kiredi.
