Erkesh Shákeev uly Safardyń qaza bolýyna qatysty sebepti jarııa etti
ALMATY. QazAqparat - Tanymal qazaqstandyq kompozıtor jáne aqyn Erkesh Shákeev óziniń Feısbýktegi paraqshasynda uly Safardyń qaza tabýyna qatysty sebep týraly jazdy. Ol ózine qoldaý bildirip, januıasynyń qaıǵysyna ortaqtasqan barsha janǵa rızashylyǵyn bildirdi.
«Ol (Safar Shákeev - red.) jazataıym oqıǵadan qaza tapty, Esentaı ózeni bógetindegi shlıýzge óte jaqyn barǵan. Ondaǵy ózen jaǵalaýy qulaýy ábden múmkin, sebebi ony sońǵy ret kórgen jer qazir ózennen tym alys. Kýáger qyz ulymnyń qaı jerde otyrǵanyn kórsetti, betin jýyp otyrǵanyn aıtty. Biraq qazir ol jerden sýǵa qol sozý múmkin emes», - delingen jazbada.
Odan bólek, kompozıtor Safarǵa arnalǵan fılm týraly aıtty.
«Ulymnyń týǵan kúnine oraı, eriktiler men dostary úshin eki dosymmen birigip fılm jasadym. Safar 25 jasqa tolmaı jatyp, shet elderde óz eliniń dańqyn shyǵardy», - dep atap ótti ol.
Ata keteıik, keshe Safar Shákeevti eske alý keshi ótti. Jas jigittiń denesi 28 shilde kúni Esentaı ózeninen tabyldy. Safar Shákeevtiń iz-túzsiz joǵalyp ketkeni týraly málimdeme 16 shilde kúni jarııalandy.
