Erkekter ózin-ózi kútýdi áıelderden úırený kerek - Qazaqstan ýrologtary
ASTANA. 4 qazan. QazAqparat - Erkekter ózin-ózi kútýdi áıelderden úırený kerek. Búgin Astanada Qazaqstan ýrologtarynyń plenýmynda «B.Jarbosynov atyndaǵy ýrologııa ǵylymı ortalyǵy» AQ-nyń dırektorlar keńesiniń tóraǵasy, medıtsına ǵylymdarynyń doktory, professory Erasyl Ábilqasymov osyndaı pikir aıtty.
Otandyq ýrologtardyń aıtýynsha, búginde erler densaýlyǵynyń jaǵdaıy, erektıldi qyzmetiniń buzylýy, áıelderden góri erkektik bedeýliktiń jıileı túsýi alańdaýshylyq týdyratyn jaǵdaıǵa jetken.
«Eń bastysy, erkekterdiń psıhologııasyn ózgertý qajet. Búgin konferentsııada sóz sóılegen meniń áriptesterimniń barlyǵy erkekter ózin-ózi kútýdi áıelderden úırený kerektigin aıtady. Er adam óz saýlyǵyn oılaýy qajet. Bul asa mańyzdy faktor», - dedi ol.
Qazaqstandaǵy er azamattardyń reprodýktıvti densaýlyǵynyń qanaǵattanarlyq jaǵdaıda emestigine alańdaýshylyq bildirgen B.Jarbosynov atyndaǵy Ýrologııa ǵylymı ortalyǵy osy kúrdeli problemany sheshý maqsatynda jan-jaqty qamtylǵan «Erler densaýlyǵy» baǵdarlamasyn ázirleýdi usyndy.
«Biz Er adamdardyń densaýlyǵy memlekettik baǵdarlamasyn jasaqtaýǵa usynys jasaımyz. Baǵdarlama mindetti túrde memlekettik dárejege ıe bolýy shart. ıAǵnı 40 jastan asqan erkekterdiń 100 paıyzy bul baǵdarlamamen qamtylýy tıis. Atap aıtqanda, bastapqy dıagnostıka, túrli aýrýlardy aldyn-alý sharalary. 40 jastan keıin er adamdardyń densaýlyǵy syr bere bastaıdy. Olarda qant dıabeti, qan-tamyr gıpertonııasy jáne taǵy basqalary paıda bolady. Osy tusta biz Qazaqstannyń 8 oblysynda qurǵan arnaıy medıtsınalyq ortalyqtar er adamdardyń ómir sapasyn jaqsartýǵa keńinen kirisýi tıis», - dep túıindedi sózin E. Ábilqasymov.
