Erkeǵalı Rahmadıevtiń 85 jyldyǵyna arnalǵan kesh ótedi
ASTANA. QazAqparat - Qaraǵandyda beldi kompozıtor Erkeǵalı Rahmedıevtiń 85 jyldyǵyna arnalǵan kontsert ótedi, dep habarlaıdy QazAqparat.
Keshte «Astana Opera» teatrynyń solısi Aızada Kaponova, skrıpkashy Ánel Shákirova óner kórsetedi. Sondaı-aq kontsertke Petr Grıbanovtyń jetekshiligimen Qaraǵandy sımfonııalyq orkestri qatysady.
Erkeǵalı Rahmadıev (1932-2013) - KSRO halyq ártisi, Qazaq KSR Memlekettik syılyǵynyń laýreaty, professor. "Qamar sulý","Alpamys" operalary, "Abylaı han" sııaqty alty operanyń, kóptegen orkestrlik, vokaldyq-hor, teatrlyq-sahnalyq, kameralyq-aspaptyq shyǵarmalar, ánder men romanstardyń avtory.
1968 jyldan Qazaqstan Kompozıtorlar odaǵynyń tóraǵasy boldy. Ómiriniń sońǵy jyldarynda Astanada turyp, eńbek etti. K.Baıseıitova atyndaǵy Ulttyq opera teatrynda keńesshi boldy, Astanada opera óneriniń damýyna úlken úles qosty, Qazaq ulttyq mýzyka akademııasynyń stýdentteri men aspıranttaryna Aıman Musaqojaevanyń jetekshiligimen mýzykalyq shyǵarma jazýdyń teorııasy boıynsha dáris berdi.
Kontsert 30 qarasha kúni (saǵat 18.30-da) «Shalqyma» kontsert zalynda ótedi.
