Erkebulan Seıdahmet jattyǵý kezinde jaraqat alyp qaldy
ASTANA. QazAqparat - Qazaqstan Ulttyq quramasynyń bas bapkeri Stanımır Stoılov Latvııamen ótetin oıyn aldynda uıymdastyrylǵan baspasóz máslıhatynda jýrnalısterdiń saýalyna jaýap berdi, dep habarlaıdy QazAqparat QFF baspasóz qyzmetine silteme jasap.
- Syrt alańda Latvııamen (1:1) ótken oıynnan keıin qarsylastyń álsiz tustaryn anyqtadyńyz ba? Bizdiń komandada qandaı taktıkalyq ózgerister bolady?
- Eń aldymen fýtbolshylar týraly aıtaıyn. Ókinishke qaraı, jaraqatyna baılanysty Evgenıı Postnıkov pen ıAn Vorogovskıı kómektese almaıdy. Dmıtrıı Shomko jıynǵa shaqyryldy. Alaıda, jasyl alańǵa shyǵýy ekitalaı. Keshe jattyǵýda Erkebulan Seıdahmet jaraqat alyp qaldy. Ókinishti. Óıtkeni, jaraqatyn emdeý úshin shamamen úsh aı qajet. Erteń ota jasaý úshin Germanııaǵa jol tartady. Negizgi quramnyń 4-5 oıynshysyn aýystyrýǵa týra keledi. Rezervten ıÝrıı Pertsýh, Oralhan Ómirtaev jáne Ivan Antıpov shaqyryldy.
Qarsylas týraly aıtatyn bolsaq, alǵashqy oıyndy taldaıtyn ýaqyt boldy. Alǵashqy kezdesýde Latvııa quramasy oıyndy jaqsy uıymdastyryp, qysym kórsete aldy. Jańa bapkerdiń kelýi de quramaǵa jańa lep ákeldi. Nátıjeleri joq bolǵanymen jaqsy fýtbol oınaıdy. Men úshin bizdiń komandanyń qalaı oınaıtyny mańyzdy. Andorramen ótken matchtan keıin Lovgınenko, Şetkın jáne Shomko oınamady. Jaǵdaıdyń qalaı ózgergenin qaraımyn. Birinshi nómirmen oınaǵymyz keledi. ıAǵnı, dopty jıi ustaý arqyly birneshe shabýyl uıymdastyrý. Sońǵy kezdesýlerde kórsetken oıyn úlgisin damytýǵa umtylamyz.
- Dmıtrıı Shomkonyń alańǵa shyqpaıtynyn eskersek, onyń ornyn Baktıer Zaınýtdınov basa ma?
- Bári de múmkin. Zaınýtdınov alǵash ret «Astana» qatarynda «Spartakpen» (Máskeý) ótken joldastyq oıynda qaptaldaǵy qorǵaýshy mindetin atqardy. Men onyń múmkindigin jaqsy bilem. Ol ártúrli pozıtsııada oınaı alatynyn dáleldedi. Jyldam sheshim qabyldaı alady. Sonymen qatar, bul pozıtsııada Ǵafýrjan Súıimbaev bar.
- Qazaqstan quramasynda jas fýtbolshylar oınaǵan ýaqyt boldy. Alaıda, ol úrdis jalǵasyn tappady. Al, qazirgi jastardyń bolashaǵy qandaı?
- Tizimge 23 fýtbolshy enedi. Bir oıynǵa 14 fýtbolshy qatysady. Aldaǵy eki matchta birneshe fýtbolshyny aýystyramyn. Jańa oıynshylardyń múmkindikterin kórý kerek. Qaqpashylardyń arasynda básekeni arttyrǵan jón. Jas fýtbolshylardyń ishinde Seıdahmet, Zaınýtdınov jáne Fedın berilgen múmkindikterdi paıdalana aldy.
- Baýyrjan Islamhan alańnnyń ortalyq bóliginde oınaı ma? Álde qaptalǵa qoıasyz ba?
- Ulttyq quramada ártúrli pozıtsııada oınaı alatyn fýtbolyshlar bar. Eń bastysy - fýtbolshylardyń sol pozıtsııada óz áleýetin kórsete alýy. Andorramen ótken oıynda Baýyrjan Islamhandy sol qaptalǵa qoıdyq. Paıdasy boldy. Erteńge deıin oılanamyz.
- Qazaqstan quramasynyń qaqpasyn kim qorǵaıdy?
- Alǵashqy oıynda Nenad Erıch turady. Ekinshi oıyn týraly sheshimdi áli qabyldaǵan joqpyz.
- Reseılik fýtbolshy Andreı Arshavın «Qaısarda» oınaıtyn Dýman Nárzildaevtyń bolashaǵy zor dep sanaıdy. Ol ulttyq quramaǵa shaqyrylǵanmen, áli alańǵa shyqqan joq...
- Dýman Nárzildaev alǵash shaqyrylǵan kezde jankúıerlerdiń 90 paıyzy ol týraly bilmedi. Ol klýbtyń negizgi quramynda endi oınaı bastady. «Qaısardyń» jattyqtyrýshylarymen kóp sóılesemiz. Bul - onyń alǵashqy maýsymy. Onyń ýaqyty alda.
- Qazaqstan Ulttyq quramasy jarty jyldyń ishinde qanshalyqty kúsheıdi?
- Ulttyq qurama úlken qadam jasady dep aıta almaımyn. Alaıda, nátıjeler ártúrli. Alǵashqy kúnnen bastap eýropalyq fýtboldyń deńgeıine jetý úshin jumys isteı bastadyq. Shabýyl men qorǵanysta úılesimdi oıyn kórsetip kelemiz. Eń basty másele - fýtbolshylardyń klýbtaryndaǵy oıyn tájirıbesiniń joqtyǵy. Ár fýtbolshy óz orny úshin talasýy tıis.
