Erkebulan Músirep 75 jasqa qaraǵan shaǵynda ómirden ozdy
NUR-SULTAN. QazAqparat - QR Eńbek sińirgen mádenıet qaıratkeri, «Qurmet» ordeniniń ıegeri, professor, Qostanaı oblysy Qarabalyq aýdanynyń qurmetti azamaty Erkebulan Músirep 75 jasqa qaraǵan shaǵynda ómirden ozdy, dep habarlaıdy QazAqparat.
Erkebulan Salamatuly 20 jyldam astam ýaqyt boıy Qurmanǵazy atyndaǵy Qazaq memlekettik akademııalyq halyq aspaptar orkestrin basqarǵan. Orkestrmen álemdik týrne jasaǵan Erkebulan Salamatuly Ahmet Jubanov qurǵan orkestrdiń burynǵy ataq-dańqyn qalpyna keltirdi.
Ol Qurmanǵazy orkestri týraly kitaptardyń avtory.
Almatydaǵy P.I Chaıkovskıı atyndaǵy mýzykalyq ýchılışeniń baıan jáne orkestr dırıjeri mamandyǵy boıynsha túlegi. Lenıngrad joǵary mádenıet mektebin jáne Máskeý mádenıet ınstıtýtyn bitirgen. KSRO-daǵy eń úzdik bes baıanshynyń biri.
Ol «Gúlder» respýblıkalyq ansambliniń dırektory bolǵan jáne «Qazaqkontsert» dırektorynyń orynbasary bolǵan.
Erkebulan Músirep elimizdiń mádenıet murasyna jáne damýyna eleýli úles qosty.
